කොරියාව හා බැදුණු  LG සමාගම

ජීවිතය කියල කියන්නෙ හරි පුදුමාකාර දෙයක්. ජීවත් වෙනව කියල කියන්නෙත් ඊටත් වඩා අමාරු කාර්යක්. ජීව ලෝකයේ විතරක්ම නොවෙයි අජීවි නිර්මාණවලත් ඉතිහාස කතාව නම් හරිම අපූරුයි. පියවරෙන් පියවර දරුවකු සේ හැදී වැඞී අද වන විට ඔහු කඩවසම් තරුණයෙක්. මේ  කතා බහ දකුණු කොරියාවේ සිව්වන විශාලතම සමගම පිළිබඳව යි.

ජීවිතය යහපත්(Life's Good) සංකල්පය පෙරදැරි කර ගනිමින් බිහිවුණු සමාගම අද වනවිට කාගේත් හිත මිතුරෙකු වී හමාරය. 1947 ආරම්භ වූ මෙම සමාගම ලක් - හූයි ^Lak Hui Chemical Industriyal corpc&කෙමිකල් ඉන්ඩස්ටි‍්‍යල් ලෙස ස්ථාපිත කරන ලදි. මෙම සමාගම ප්ලාස්ටික් කර්මාන්තයට  පිවිසි පසු Goldstar Co.Ltd(වර්තමානයේ LGඉලෙක්ට්‍රොනික් සමාගම ලෙස හදුන්වයි. 1958 ලකී සහ ගෝල්ඩ් ස්ටාර් යන සමාගම් දෙකම ඒකාබද්ධ කර ලකීගෝල්ඩ් ස්ටාර් සමාගම ලෙස පිහිටුවේය. මෙම සමාගම මගින් එලෙක්ට්‍රොනික් උපකරණ, රසායනික ද්‍රව්‍ය හා විදුලි සංදේශ නිෂ්පාදන සිදු කරයි. ලකී වෙළෙඳනාමය යටතේ අනිකුත් ගෘහ භාණ්ඩ මෙන්ම සනීපාරක්ෂක නිෂ්පාදන ගෙන ගියත් වර්තමානයේ LG සමාගම විසින්ම ඇගලූම් පිරිසිදු කාරක වැනි දේ කොරියානු වෙළෙඳපොළට නිකුත් කරයි.

1958 මෙම සමාගම විසින් කොරියාවේ පළමු රේඩියෝව නිර්මාණය කරන ලදි. මීට අමතරව කොරියාවේ පළමු ශීතකරණය (1965- රූපවාහිනිය (1966- වායු සමීකරණ යන්ත‍්‍රය (1968-රෙදි සෝදන යන්ත‍්‍රය (1969-වැනි නිර්මාණයන්හි ගෞරවය ඔවුන්ටම හිමි වෙයි. 

කොරියාවෙහි පළමු වර්ණ රූපවාහිනිය 1977 දී නිපදවන ලද LG සමාගම 1982 වන විට ඇමරිකා එක්සත් ජනපදය වෙත සිය නිෂ්පාදන අපනයනය කරන ලදි. බටහිර වෙළඳපොළේ තරග කිරීමට  1995 දී (ලූසී ගෝල්ඩ් කෝපරේෂන් LG ලෙස නම් කරයි. 2009 දී LG ඩොමේන් නාමය හිමි කර ගනී.





LGසමාගමේ ප‍්‍රධාන කාර්යාලය Yeouido-dong, Yeongdeungpo-gu සෝල් නගරයේ  LG නිව් ටවර් (LG Twin Towers ගොඩනැගිල්ලෙහි පිහිටා ඇත.  LG සමාගමBon Joon Kooගේ මෙහෙය වීම මත අද වන විට ප‍්‍රමුඛ පෙළේ ආයතනයක් බවට පත්ව ඇත.

ගෘහස්ත විනෝදාස්වාදය, ජංගම සන්නිවේදනය, ගෘහ උපකරණ, වායු සමනය කිරීම හා බලශක්ති විසදුම් අද ඔවුන්ගේ නිෂ්පාදන ක්ෂේත‍්‍රයන් ය. 2014 වසරේදී පමණක් ඇමරිකානු ඩොලර් බිලියන 55.91 ආදායමක් ලබා ගැනීමට සමත් වු සමාගමකි. 82 000කට අධික සේවක පිරිසක් ලොව පුරා සේවයෙහි නිරත වෙයි. බොහෝ නවීන තාක්ෂණික උපකරණ රැ සකම වගකීම් සහිත නිර්මාණකරුවා වීමට ඔවුන් සමත්ව ඇත්තේ තිබූ පළමු පියවරෙහි ශක්තිය නිසාය. ”අපි මිනිසුන්ව හදාගන්නවා” මේ ඔවුන්ගේ සංකල්පය යි.